واش خداو الاذن من الملياردير عثمان بنجلون؟ مؤسسة محمد السادس للعلماء الافارقة دارت نشاط فجنوب افريقيا

دابا ايلي دارت شي حاجة فجنوب افريقيا. استثمار ولا نشاط ثقافي ولا ديني خاص اذن من الملياردير عثمان بنجلون. كيقول باللي هاد لبلاد ضد المغرب وباللي اي نشاط معاهم ضد مشاعر لمغاربة. اييه الملياردير ولات عندو شرعية يهدر باسم المغاربة واخا مخدم غير تاصيلتو وبني عمو فالبنك اللي عطاه ليه الحسن الثاني.
بنجلون كعى على مولاي حفيظ العلمي لانو باع “ساهام” ل”سانلام” وقال باللي ما يمكنش ليه يتعامل مع جنوب افريقيا وهو غير عام قبل اكد باللي غادي يفتح فرع فنفس الدولة. دابا بنجلون غادي يتقلق حقاش فرع مؤسسة محمد السادس للعلماء الأفارقة بجنوب إفريقيا، نظمات اليوم السبت ببريتوريا، مسابقة لحفظ وتجويد القرآن الكريم.
وشارك فيها تسعة مرشحين، بينهم فتاتان، قدموا من بريتوريا ودوربان وكيب تاون.
وربحات أمينة هندريكس وحفيظ إحسان، حيث سيشارك المرشحان في مسابقة قارية تعتزم المؤسسة تنظيمها خلال شهر رمضان الأبرك بالمملكة.
دابا كيفاش هاد المؤسسة تصرفات بلا ما تاخد الاذن من بنجلون. ومع حشماتش غادية تجيبهم للمغرب. يمكن هاد الملياردير يخوي لبلاد حتى يمشيو مواطني هاد الدولة اللي كتدعم البوليساريو.