هاذي هي الدول لي حاطة رجل معانا وحاضرة فمراكش ورجل مع جنوب إفريقيا

Elouali.zaz.1987@gmail.com
تنطلق اليوم الإثنين بمراكش أشغال المؤتمر الوزاري الإفريقي ديال الدعم المقدم من الإتحاد الإفريقي للمسار السياسي للأمم المتحدة بشأن الخلاف الإقليمي حول الصحراء، وبالتزامن مع ذلك كاين مؤتمر دول “سادك” لدعم جبهة البوليساريو فبريتوريا بجنوب إفريقيا.
هاد الحدثين البارزين كل طرف حشد ليها ناسو والدول الداعمة لأطروحته، ولكن كاينة دول إفريقية جات لمؤتمر مراكش واخا هي عضوة فمجموعة التنمية لإفريقيا الجنوبية “سادك” وحاضرة فحنوب إفريقيا أيضا. يعني حاطة رجل مع المغرب وفنفس الوقت داعمة البوليساريو فمؤتمر “سادك” بجنوب إفريقيا، يعني حاضرة بممثلين لهيه وهنا فمراكش.
هاد الدول هي أنغولا لي عضوة ف “سادك” وحاضرة فمراكش عبر سفيرها بينينكو دي أوليفيرا فييرا لوبيس، وأيضا مالاوي لي حاضر بوزير خارجيتها إيمانويل فابيانو، ودولة سوازيلاند لي حاضر ووير الوظيفة العمومية ديالها نتشانكاسي كريستيان مييكيني، ثم تنزانيا لي صيفطات السكرتير بخارجيتها فراجي كاسيدي منييب، و زامبيا عبر ووير خارجيتها جوزيف مالانجي، والكونغو الديمقراطية لي حاضر كممثل ليها نائب وزير الخارجية كيتا بوكوسو فريدي، فضلا عن مدغشقر التي يمثلها وزير الخارجية أندريانتسيتوهاينا فرانك ميشيل ناينا.