بوتفليقة فوضع صحي حرج بزاف فجنيف.. وداروه فقسم معزول من المستشفى

قالت وكالات الأنباء ووسائل إعلام دولية، أن الحالة الصحية ديال عبد العزيز بوتفليقة ماشي هي هاديك، لدرجة أنه كانو غايديرو ليه عملية فمستشفى جنيف لي ناعس فيه، ولغاوها بسباب الحالة الصحية ديالو السيئة.
مراسلة وكالة “روسيا اليوم” فجنيف، قالت أن الرئيس لي كاين فالطابق التاسع ديال السبيطار مكيوصل ليه حد غير عبر ممرات خاصة، مؤكدة أن حالته الصحية متدهورة.
من جهة أخرى قالت قناة “اورو نيوز”، أن الطائرة الرئاسية رجعات للجزائر خاوية لبارح ، فالوقت لي كيقولو أن قائد الجيش طلب منو مايرجعش للجزائر حاليا.