حملة ودادية كبيرة على لاعب رجاوي استهزأ بالحمرا

شن الجمهور ديال الوداد الرياضي حملة كبيرة على محمود بنحليب، لاعب فريق الرجاء الرياضي، بعد الفيديو لظهر فيه كيستهزأ من فريق الفتح الرباطي، لربحوه الرجاء البارح، ومن فريق الوداد الرياضي.
بنحيل كان ناشط بعد الفوز على الركراكي ودخل طول عرض في الفتح وفي الوداد، الأمر لخلا الجماهير ديال الوداد دير حملة كبيرة عليه في الفايسبوك وتوعدوه بالاعتداء.
وخوفا من تفاقم الأمر وحدوث أعمال شغب بين جماهير الرجاء والوداد، خرج بنحليب كيعتذر على التصريحات ديالو، باش ابرد الجمهور ديال الوداد لغضب عليه بزاف، واعتبرت التصريحات ديالو مستفزة وغير مسؤولية.
وكان الرجاء دخول فمشادات البارح مع وليد الركراكي المدرب ديال الفتح بعدما ربحوه لأنه كان قال تصريحات استفز فيها الرجاء، واستفز فيها اللاعبين، والبارح جاتهم الفرصة وردوا ليه الدين وداروا تصريحات كيقولو فيها ربحنا الركراكي في الملعب ديالو وباللاعبين الرسميين ديالو.