ها بشحال تحكم على “الدونجوان” اللي هتك عرض صاحبة بنتو القاصر

علمت “كود”، أن غرفة الجنايات الابتدائية بمحكمة الاستئناف بكازا حكمات مؤخرا على متهم مكحلها مغامرات عاطفية وجنسية ومتابع بتغرير وهتك عرض قاصر بعنف والخيانة الزوجية بعد 5 سنين ديال الحبس بسباب جوج شكايات. وحدة من ضحية قاصر والشكاية الثانية من سيدة متزوجة من مهاجر مغربي.
المتهم تشد من طرف البوليس بعد شكاية تقدمت بها والدة الضحية، التي تكلمات فيها على المتهم اللي غرر بالقاصر التي كانت مصاحبة مع على بنت المتهم وكتجي عندها ديما للدار قبل ما يستدرجها ويخرج معاها للقهاوي والبراتش ويهتك عرضها ويقلب عليها. اما صاحبتو المتزوجة عرضات عليه للدار كما العادة والجيران حصلوه وعيطو للبوليس.