بنكيران: كنطلب من جطو يحقق ثروتي وكان عندي معاش من غير المعاش الاستثنائي نخرج من المغرب

تحدى عبد الاله بنكيران رئيس الحكومة السابق والامين العام السابق جريدة “الاخبار” ان يكون كذب او استفاد من معاش مدني. وقال في فيديو من عشرة دقائق نشرو الليلة الاحد عاشر فبراير 2019 ان الوثائق المنشورة =وحدة لوزير المالية والاقتصاد والثانية لرئيس الحكومة= ما فيهاش غير معاش واحد ما كاينش جوج وقال باللي ايلى كان شي معاش اخر ما يبقاش عايش فالمغرب لانو ما عندوش لوجه يتقابل مع الناس وكيكذب على الملك
بنكيران ذهب الى انه كان عندو تقاعد كبرلماني سابق واخر شهر توصل بيه كان شهر شتنبر 2017. على معاش مدني بالاضافة الى المعاش الاستثنائي٬ ودعا ادريس جطو رئيس المجلس الاعلى للحسابات الى التحقيق في ممتلكاته باش يعرفو اش عندو