المكناسية لي قتلات الرضعية ديالها هبطها قاضي التحقيق للحبس ديال تولال

omarelmouzaine@gmail.com
علمت “كود”، أن المصلحة الولائية ديال الشرطة القضائية فمكناس، أحالت اليوم الأربعاء، واحد السيدة عل الأنظار ديال الوكيل العام لدى محكمة الاستئناف بالمدينة، على خلفية اتهامها بقتل الرضيعة ديالها شنقا بحي القصبة.
ووفق ما كشفت عنه مصادر “كود”، فإن الممثل ديال النيابة العامة قرر متابعة هاد السيدة فحالة اعتقال احتياطي، مع إحالتها على قاضي التحقيق اللي قرر حتى هو يهبطها للحبس ديال سجن تولال، في انتظار إخضاعها في المستقبل القريب لجلسات الاستنطاق التفصيلي.
وكانت هاد السيدة قد عمدت على قتل رضيعتها لي فيها ثمانية اشهر، قبل أن تسلم نفسها إلى مصالح الشرطة بالعاصمة الإسماعلية، في الوقت اللي كتطالب فيه العائلة ديالها بإخضاعها لخبرة طبية بغية التأكد من الحالة ديالها العقلية، سيما أنها كتاخد الدوا ديال الأعصاب مخرجو ليه طبيب مختص.