الداخلية تدخلات باش تحل أزمة النقل ف فاس

omarelmouzaine@gmail.com
دخلت وزارة الداخلية بكل ثقلها لاحتواء الأزمة ديال النقل بمدينة فاس. فحسب مصادر محلية، ل”كود”، فإن والي جهة فاس مكناس، سعيد زنيبر، يعقد منذ زوال اليوم الأربعاء، لقاء عاجل وحاسم مع تمثيليات سيارة الأجرة ديال الصنف الأول والتمثيليات ديال الصنف الثاني.
وأكدت مصادر ل”كود”، أن هاد الاجتماع مغادي يخرجو منو بحتى شي نتيجة حقاش يستحيل يقبل الطاكسي لكبير يخدم خارج المدار الحضري، ومعمر الطاكسي صغير يتفاهم مع الطاكسي لكبير حقاش كاين لُوبي كبير .
وكان مهنيّو سيارات الأجرة الصغيرة بفاس قد دخلوا في أشكال احتجاجية غير مسبوقة بسبب ما اعتبروه “عدم” الاستجابة لمطالبهم، سيما المطلب ديال تفعيل القرار العاملي ديال سنة 2009، والذي ينظم اشتغال سيارات الأجرة من الصنف الكبير داخل المجال الحضري لمدينة فاس في خطوط محددة.
وكانت مكونات التنسيقية المحلية ديال قطاع سيارة الأجرة الصغيرة بفاس، قد عممت أمس بلاغ، توصلت به “كود”، قالت فيه أنه تم تحديد لقاء بولاية جهة فاس مكناس اليوم الأربعاء، مشدّدين على ضرورة الخروج بشي نتائج ملموسة على أرض الواقع وتكون كترقى لتطلعات المهنيين.