60مليون مقابل متابعة زويتن الباطرون السابق ديال المكتب الوطني للسياحة فحالة سراح

omarelmouzaine@gmail.com
علمت “كود”، أن الغرفة الجنحية بمحكمة الاستئناف بمدينة فاس، استجابت زوال اليوم الأربعاء، للطلب ديال الوكيل العام لرفع القيمة ديال الكفالة المالية المؤداة من طرف عبد الرفيع زويتن، الباطرون السابق ديال المكتب الوطني للسياحة والمدير العام ديال مهرجان فاس للموسيقى العريقة.
وحسب مصادر قضائية، ل”كود”، فإن الغرفة الجنحية قضت بالرئاسة ديال القاضي بناني سميرس، قبل قليل، برفع القيمة المالية لي كان خلصها زويتن لمتابعته في حالة سراح، على خلفية الفضيحة المالية ديال هزات مهرجان الموسيقى الروحية، من 10 مليون سنتيم إلى 60 مليون سنتيم، شأنه شأن مستثمر سياحي معروف بالمدينة.
وفي سياق متصل، غادي يواصل محمد الطويلب قاضي التحقيق بالغرفة الأولى باسئنافية المدينة، بتاريخ 24 يناير الجاري التحقيق التفصيلي مع 13 مسؤولا داخل مهرجان فاس، ومن بينهم عبد الرفيع زويتن، المتابعين من أجل “اختلاس وتبديد أموال عامة والتنزوير والاستفادة من منفعة دون موجب حق”.