هادي نشطات التراب. ولي العهد دوز سوايع كثيرة فمدرسة 13/37 وها اش دار

علمت “كود” ان ولي العهد مولاي الحسن دوز ساعات كثيرة فمدرسة خريبكة اللي دارتها الفوسفاط 13/37. ولي العهد دوز ساعات مزيانة فهاد الزيارة البيداغوجية وفق مصدر “كود”. دار شاف كلشي وهدر وطل على اش كيدار ومشى فرحان بالخدمة.
هاد الزيارة اللي وقعات ونامس لخميس 13 دجنبر، خلات الرئيس المدير العام للمكتب المديري للفوسفاط مصطفى التراب ما يحضرش لافتتاح الحوار الاطلسي اللي كينظمو الفوسفاط النيت كل عام.
زيارة غادية تفرح بزاف التراب اللي كاينين بزاف عينهم فيه وكيخططو ليل نهار يطيروه