شهرة. ايلى شافو ابن عرفة غادي يحسدو. الوزير بنعبد الله كلشي باغي يدير معاه سيلفي وفباريس

وزير السكنى وسياسة المدينة محمد نبيل بنعبد الله عندو شعبية. هاد الشي اللي بان هاد العشية فافتتاح معرض العقار "سماب ايمو" دورة باريس. لمغاربة لكثار اللي جاو حضرو للمعرض اللي كينظمو سمير الشماغ٬ واخا جاو يقلبو على شقة ولا دار٬ دارو بزاف السيلفيات مع الوزير. تصورو معاه وصورو عائلاتهم. لكبار الصغار لبنات لولاد كلشي باغي يدي سيلفي معاه "شحال وانا تابعاه بغيت نتصور معاه وندي نوريها لراجلي ولولادي" اوضحت سيدة ستينية ل"كود". السيدة تسنات بزاف باش تتصور معاه.
فين ما مشى ولا تحرك بين الاروقة كان متبوع بعدد كبير من الناس اللي باغيين يربحو سيلفي معاه. كون شافو ابن عرفة العدالة والتنمية اليوم هو باس ليه يدو باش يجي معاه باش يتصورو معاه حتى هو