سعد لمجرد مأزم نفسيا وعائلتو مانعين صحابو يقربو ليه ولا يدويو معاه

سعد لمجرد ولا كيحسب كل صغيرة وكبيرة ملي خرج من الحبس في قضية محاولة الاغتصاب الثانية.
المغني المغربي مبداش كينقز كيفما دار المرة الأولى، ملي عطاها لتصاور والشطيح والتنقاز في الزنقة. دابا خرج مكالمي وداخل سوق جواه.
مصدر مقرب من “لمعلم” قال ل”كود” أن النفسية ديالو مأزمة، وحتى صحابو مكيجاوبهمش في ميساجات في واتساب، واخد خطوة لور وگالس كيسمع لعظيماتو.
صديق لمجرد قال أيضا أن العائلة ديالو في شخص الممثلة نزهة الركراكي والبشير عبدو طلبو من صباحو يبعدو عليه شوية، ماكين تا فائدة يتجوقو عليه، ويبداو في السيلفيات عاوتاني.
دابا سيمانة دازت باش خرج من الحبس بعدما خلص 75 مليون كفالة، ولحد الآن حتى واحد من الطبقة ديال صحابو ماحطو شي صورة باش يشوفوه المتتبعين.