تفاصيل السراح المؤقت ديال سعد لمجرد.. داروه تحت المراقبة القضائية وماعندوش الحق يغادر فرنسا وحط فلوس صحيحة

أكد هاد الصبح، موقع “Var-Matin” الفرنسي قرار إطلاق سراح سعد لمجرد مؤقتا، اللي كان فالحبس الاحتياطي من 18 سبتمبر الماضي، بعد اعتقالو على خلفية اتهامات باعتداء جنسي على فرنسية ثانية في “سان تروبي”.
وذكر الموقع أن قاضي التحقيقات لمنطقة ” أكس أون بروفانس ” قرر يخرج لمجرد في انتظار محاكمتو، وهادشي تحت طلب ديال محاميه.
و نقل الموقع الفرنسي أن الفنان المغربي غادي يكون تحت المراقبة القضائية فوق التراب الفرنسي دون حق مغادرته، وخاصو يخلي لهم الباسبور ديالو، ويبقى فدارو فباريس، ويبوانتي فاقرب كوميسارية مرة فالسيمانة، ومايمشيش لمنطقة Paca، ويكون حاضر فاش يعيطو ليه، واخيرا يخلي كوسيون ديال 75.000 اورو.
ومن المرتقب أن يتحاكم سعد لمجرد في المحكمة الجنائية فباريس فبداية 2019 فقضية اتهام لورا بريول بتعنيفها واغتصابها في أكتوبر 2016 .