الBNPJ طيحات شبكة كتنشد على الصعيد الدولي وعندها 10 طن ديال لحشيش و10 ألاف أيورو

ضربة كبيرة عاود بزايد دارتها عناصر الفرقة الوطنية ديال الشرطة القضائية. حيث تمكنت أمس الثلاثاء واليوم الأربعاء، بناء على معلومات دقيقة وفراتها كالعادة “الديستي” من تفكيك واحد الشبكة إجرامية كتنشط فالمجال ديال الاتجار الدولي فالمخدرات، وفيها 4 ديال الناس.
وافاد بلاغ ديال مديرية الأمن أن هاد العملية اللي تنفذات ضواحي الجديدة، جاءت بعد توقيف واحد الشيفور ديال كاميو فحالة تلبس بمحاولة تهريب 400 كيس من مخدر الحشيش، يناهز وزنها الإجمالي 10 أطنان، قبل أن تسفر الأبحاث والتحريات عن توقيف ثلاثة ديال المساهمين آخرين فهاد العملية، ومن بينهم المالك الأصلي ديال داك الكاميو.
وماشي غير هادشي البوليس حجزو على 10 ألاف أورو يشتبه في ارتباطها بعمليات التهريب الدولي للمخدرات. والخبرات التقنية لي دارو البوليس بينات ان طريقة تعليب وتلفيف داك المخدرات بكيفية تحميلها من تسرب المياه، تؤكد أنها كنت غادية للتهريب عبر المسالك البحرية، مع وجود أربع ديال العلامات المميزة على الشحنات المضبوطة.