بني انصار:حجز أزيد من 40 ألف حبة ديال “الإكستازي”

ضربة كبيرة داروها البوليس ديال المعبر الحدودي بني انصار بمدينة الناظور، بناءا على معلومات دقيقة وفرتها “الديستي”، البارح الثلاثاء. هاد العملية كتعلق بإجهاض محاولة تهريب كمية كبيرة من مخدر الإكستازي نحو المغرب.
بلاغ ديال مديرية البوليس كشف على أن إجراءات البحث المنجزة اسفرت وعن توقيف 4 أشخاص يشتبه في تورطهم في هذه القضية، من بينهم جوج ساكنين على التوالي فهولندا وصبليون وجوج آخرين من ذوي السوابق القضائية.
العمليات ديال التفتيش مكنات من حجز 40 ألف و172 قرص من مخدر الإكستازي كانت معبأة بإحكام في سيارة مسجلة بإسبانيا.