إنسانية: ها شنو دارت إدارة الأمن مع تلميذ مصاب بالسرطان – صور

علمت “كود”، أن عبد اللطيف حموشي، المدير العام ديال الأمن الوطني، دار واحد المبادرة زوينة بزاف. مبادرة تستحق التنويه وعندها دلالات إنسانية كبيرة .
وحسب مصادر “كود”، فإن هاد المبادرة بغات من خلالها ادارة الأمن الوطني ت شجع بيها واحد التلميذ مصاب بالسرطان و أمنيته يكون بوليسي فالمستقبل، حيث استجاب المدير العام لطلبه.
التلميذ خالد كان عبر أنه باغي يرجع بوليسي فالمستقبل ويخدم القضايا ديال المواطنين. وبغا يدير زيارات لعدد من المرافق الأمنية.
هاد التلميذ دارو ليه استقبال زوين فمقر ولاية أمن الرباط. حيث زار عدد من المرافق الأمنية وشاف العمل اليومي ديال البوليس. وماشي غير هدشي مشا اطلع حتى على العمل اليومي ديال مديرية الشرطة القضائية وكيفاش كتنسق المغرب مع دول أخرى فالجانب الأمني.