الداودي: الدولة غادي تستمر فدعم الأسعار ديال البوطة والدقيق والسكر

كشف لحسن الداودي، الوزير المنتدب لدى رئيس الحكومة المكلف بالشؤون العامة والحكامة، اليوم الأربعاء، أن “الدولة غادي تستمر فدعم الأسعار ديال البوطة والدقيق والسكر”، مشيرا إلى أن هادشي تخصص ليه اعتمادات مالية وصلات ل17 مليار و670 مليون درهم.
الوزير الداودي اللّي كان كيقدم الميزانية الفرعية ديال وزارتو بلجنة المالية والتنمية الاقتصادية بمجلس النواب، أن الحكومة غادي تصلح بشكل تدريجي الدعم اللّي موجه لبعض أصناف السكر، مبرزا أن النسبة ديال دعم البوطة انتقلات من 4027 درهم للطن فعام الماضي، أي ما يساوي 48 درهم للبوطة وحدا من فئة 12 الكيلو.
كما أفاد أن وزارته بصدد إنجاز واحد الدراسة باش تحدد المستهلكين ديال الغاز المستعمل فالسقي، مبشرا إياهم بتوجيه دعم لهاد الفئة باستعمال الطاقة الشمسية.