المغرب فكك 3000 شبكة ديال التهريب والاتجار فالبشر ولفتيت كينبه من تطور الوسائل ديال هاد الشبكات

عبد الوافي لفتيت، الوزير ديال الداخلية، أفاد هاد الصباح ديال الأربعاء أثناء دراسة مشروع الميزانية الفرعية ديال وزارة الداخلية، أن المصالح الأمنية بمختلف أشكالها تمكنات من إحباط 68 ألف محاولة للهجرة غير القانونية، مقابل تفكيك 122 شبكة ديال لحريك حتى متم شهر شتنبر الماضي.
كما أفاد وزير الداخلية على أن الأجهزة الأمنية المغربية التابعة للوزارة ديالو تمكنت منذ عام 2012 إلى غاية اليوم الأربعاء، من تفكيك ما 3000 شبكة ديال التهريب والاتجار فالبشر وتوقيف ما مجموعه 200 قارب كان معد لعمليات تهريب الحراكة.
الوزير لفتيت نبه أمام لجنة الداخلية والجماعات الترابية بمجلس النواب، صباح اليوم الأربعاء، إلى تطوير هاد الشبكات ديال التهريب والاتجار فالبشر فالوسائل اللّي كتستعمل باش تحرك عباد الله بطريقة ماشي قانونية.