فضيحة وصافي. ماتش مخسورة فيه ملايين ولاعبين ما لقاوش الما باش يدوشو

فضيحة وصافي. ماتش مخسورة فيه ملايين ديال الدرهم وجايبين ليه لاعبين ديال العالم ومايلقاوش باش يدوشو هادشي ما عمرو وقع فتاريخ الكورة كاع وما عمرو غادي يوقع.
وفهاد الصدد لاحظات “كود” بأن ما كاينش الما. وهادشي قالوه حتى قائمين على الملعب فحديث جانبي، ولي جا بغا غير شريبة كيقولو ليه ما كاينش الما راه حتى اللاعبين ما لقاوش الما باش يدوشو، الأكثر من ذلك قالو بأن الصهاريج ديال الما ما كفاوش لهاد الحدث، على حد قولهم.
هاد الماتش كان كارثة فالتنظيم وبدل ما يكون استعراضي كانت اللجنة المنظمة فقلب زوبعة وشدات راسها بقوة فشلها فتدبير الحدث.