القضاء التجاري قرر باش يحجز هاد صباح على الممتلكات ديال الملياردير العمودي ومسؤولين آخرين ف”لاسامير”

المحكمة التجارية ديال كازا هاد صباح ديال الإثنين شرشمات الملياردير العمودي وخمسة ديال مسؤولين آخرين ف”لاسامير”. حيث قضت بالحجز على الممتلكات ديال الرئيس المدير العام ديال شركة مصفاة سامير، شأنه شأن خمسة ديال المسؤولين آخرين فنفس المؤسسة.
وحسب مصادر مقربة من هاد الملف فإن القضاء التجاري طالب بالمصادرة ديال جميع الممتلكات النقدية والعقارية ديال الملياردير العمودي وداك المسؤولين اللي تسبوا فالإفلاس ديال مصفاة المحمدية، سواء داخل المغرب أو خارجه.
هاد المسؤولين فمجلس الإدارة ديال “سامير” اللّي فرعاتهوم المحكمة التجارية ديال كازا هاد صباح هوما “بسام أبو ردينة، جسون ميلازو، وجورج سالم، لارنس نيلسون”، بالإضافة إلى المدير العام جمال باعامر”.