“البي بي إس” للحكومة: خصكم تفسرو لينا هاد القرار اللي درتو على الساعة

المكتب السياسي ديال “البي بي إس” دعا فالاجتماع ديالو الأخير الجهات الحكومية المعنية إلى المبادرة بتقديم كل التوضيحات والتفسيرات الكفيلة بتوضيح وجهة القرار ديال تثبيت الساعة بكيفية دائمة باعتماد التوقيت الصيفي، بالنظر لما صاحبه من تساؤلات لدى أوساط مختلفة من المجتمع.
رفاق بنعبد الله قالو على أن هاد القرار أثار ردود فعل من قبل فئات وشرائح اجتماعية واسعة حقاش هادشي عندو انعكاسات مباشرة على الحياة اليومية للأسر، وتمدرس التلاميذ، ومواقيت العمل فالقطاعين العمومي وحتى الخصوصي، ومردودية الإدارة والمقاولة، والاقتصاد فالطاقة، والعلاقات التجارية والاقتصادية والمعاملات المالية ديال لبلاد مع الشركاء فالعالم.