عاجل. الثلوج قطعات الطريق بين آزرو وتمحضيت

علمت “كود”، من مصادر متطابقة، أن الطريق الوطنية رقم 13 اللّي كتربط بين مدينتي “آزرو” و”تمحضيت” لا زالت مقطوعة منذ الساعات الأولى من صباح اليوم الأحد، بسبب داك التساقطات الثلجية اللّي طاحت بشكل قوي.
وحسب المصادر نفسها، فإن فرق تقنية من المديرية الإقليمية ديال وزارة التجيهز تسابق الزمن من قبيلات باش تفتح حركة السير على هاد المحور الطرقي اللّي مزالين عباد الله عالقة فيه بداخل الطنوبيلات ديالهوم.
وقال أحد المسافرين اللي مشا من كازا لإفران وداز لمنطقة تمحضيت أنه مزال عالق فبلاصتو. كما تحدث عن ما أسماه “تقصير” ديال الجهات المختصة المكلفة بإزالة هاد الثلوج. مصدر من داخل مديرية التجهيز أوضح أنه كاين تعبئة كبيرة ديال آليات ومعدات إزالة الثلوج وهاد العمليات المكثفة مزال متواصلة لحدود الساعة.