“المال مقابل الماستر”.. ها فين وصلات لفضيحة اللّي هزات الجامعة المغربية

علمت “كود”، من مصادر مطلعة، أن قاضي التحقيق بمحكمة الاستئناف بفاس، قرر أمس الثلاثاء، تأجيل التحقيق مع داك المتهمين فالفضيحة ديال “المال مقابل الماستر” واللّي دارت واحد الضجة كبيرة بعد تسريب تسجيل صوتي فيه البيع والشرا.
وحسب المصادر نفسها، ل”كود”، فإن قاضي التحقيق اللّي شاد هاد الملف قرر يأجل الملف ل4 دجنبر المقبل باش يوجدو المتهمين الدفاع ديالهوم اللّي مزال متنصبو منذ إحالة هاد الملف من الوكيل العام على قاضي التحقيق.
هاد القضية متابعين فيها 9 ديال المتهمين، ومنهوم واحد ادعى فالتسجيل الصوتي أنه كيقوم بالتدخل التدليسي فعمليات التسجيل فالمسلك ديال الماستر، وهو طالب في نفس الجامعة، وبالإضافة لشخص آخر كان كيقوم بالوساطة فارتكاب هاد الأفعال والذي لم يكن سوى إبن عم المتهم الرئيسي.