وراك غادي بينا لخسران العثماني: كيفاش الساعة القانونية تنشرات دغيا فالجريدة الرسمية وخطة حقوق الانسان باقا فالثلاجة؟

العجب لي مشفتوش فحكومة بنعرفة غاتشوفوه فهاد الولاية ديالو، كلشي مخربق كلشي غادي بلا منطق، التوقيت الصيفي لي ولى دبا توقيت رسمي للمغرب أي (غرينيتش +ساعة)، كلشي عارف كيفاش جا المرسوم ديالو وحتى رئيس الحكومة مفراسوش حتى لأخير لحظة، وهاد المرسوم بسرعة “البراق” (تيجيفي زعما) دخل لحيز التنفيذ بعد نشره فالجريدة الرسيمة.
اسي بنعرفة واش كتسطا علينا، كون شجاع وقولينا علاش متنشراتش الخطة الوطنية للديمقراطية وحقوق الانسان لي جابها الوزير مصطفى الرميد وتقاتل عليها وجاب فيها نصوص قانونية ذات بعد حقوقي كوني ولي غادي يخلي المنتظم الدولي على الأقل يقول المغرب راه فيه الضو.
دبا رئيس الحكومة لي ضعيف بزاف فالتواصل، ميمكنش يخلي سوى التذمر وسط الشعب، وها نتوما كتشوفو كيفاش شادين فيه فالفايسبوك.
وكيبقا احسن تعليق عند رواد الفايسبوك هو “راك غادي بنيا لخسران العثماني”.