الناس فالناس والقرع فمشيط الراس. بنادم شاد فصحافية دوزيم حيت مشات لحادثة التران بلا ماكياج

كاين واحد نوع ديال بنادم وجهو قصح من الكصرونة. عوض يدويوها فشي حاجة معقولة گالسين شادين في الصحافية بشرى رئيف حيت مشات للمكان اللي وقعات فيه حادثة تران بلا ماكياج.
دابا هادو بنادم؟ عندهم شي عقل ولا مايكسابوهش؟ گالسين يجبدو في صورها وهي بالماكياج، واش من نيتكم بغيتوها تخرج في كامل أناقتها وجمالها باش دير تغطية عاجلة لفاجعة فيها الموت والدم.
وكونو تحشمو من الضسارة الخاوية، والميزوجنية دوالو، راها امراة ودايرة خدمتها، ماشي مهم الماكياج، مهم الاحترافية.