شيخة الطراكس حالفة حتى تاخد حقها ومغاديش تتفاك مع السواعدة المزورين

الشيخة فاطمة الزهراء، المعروفة بالطراكس حالفة كيفما كيحلفو العيالات ديال بصح حتى تاخد حقها من الدراري لي دارو راسهم سواعدة في كازا.
الشيخة المعروفة في مراكش مازال مقصحة، ومصدر “كود” أكد أن النفسية ديالها ماشي هي هاديك، وإلا مخداتش حقها تقدر دير شي مصيبة في راسها.
الدراري ديال گروب “بروكلين” حسو بالقضية حامضة وهما يرجعو اللور، “كود” بغات تعرف الجديد من عندهم لكن رفضو يدويو.
وكيفما قلنا قبل، الطراكس حطات “بلانت” ومازال مصممة أنها تابعهم قضائيا.