بالصور. ابتسام تسكت خافت ينساها الجمهور ناضت دارت عيد ميلاد.. عرس بلا عريس

شي فنانين الله يهديهم على راسهم، كيديرو أغنية في القرن وعيد ميلاد في كل شهر.
المغنية ابتسام تسكت، لي عام دابة باش خرجات أغنية ضربات 17 مليون في اليوتوب، دارت اليوم السبت في الرباط عيد ميلاد قدو قداش.
خريجة ستار أكاديمي جات في طوموبيل بيضة، ولبسات كسوة، ودخلات قاعة الأفراح بالدقة المراكشية بحال شي عروسة، غير هي خاصها العريس.
لكن الواعرة في هادشي كامل، مولات العيد ميلاد غنات للضيوف ديالها بلاي باك، مكلفاتش على راسها تغني بالمباشر.
المهم، قطعات الحلوة وشطحات ونشطو الناس، وغادي يبداو تصاورها حاضرين في مواقع التواصل، باش تقول أنها مازال كاينة، واخة ماكاين حتى جديد في الفن.