بنعرفة دار حملة لاخنوش فاكادير بلا ما يعيق. سول القاعة على باش معروفين سكان المنطقة جاوبوه: اغراس اغراس

رئيس الحكومة سعد الدين العثماني دار حملة لوزيرو فالحكومة وحليفو فيها عزيز اخنوش وزير الفلاحة والصيد البحري والتنمية القروية والمياه والغابات رئيس التجمع الوطني للاحرار. وقع هاد الشي اليوم السبت 6 اكتوبر فاكادير خلال ما تطلق عليه الحكومة “الزيارة التواصلية للحكومة الى الجهات”.
بنعرفة كان يتكلم فاللقاء التواصلي وسول القاعة “باش معروفين السواسة؟” ردوا عليه كلهم “اغراس اغراس” وما بغاوش يسكتو ليه. هادا شعار اخنوش فالاحرار٬ والغريب انه حتى دخل رئيس الاحرار عاد سكتو.
بنعرفة غادي يكون عرق الى عندو علاش يحشم. شاف علاش الناس جاو اليوم. ماشي باش يشوفوه واخا هو ولد المنطقة ولكن على وجه اخنوش اللي دوز هاد السيمانا كلها فالمنطقة