بالصور. ساكنة تطوان خرجات فجنازة حياة لي جات بالزربة

جنازة الشابة “حياة”، لي ماتت بالقرطاس ديال البحرية الملكية دارت بالزربة، هادشي كولو باش السلطات تمنع تحول الجنازة إلى مسيرة يقدر يخرج منها شي حراك تاني.
حسب مصادر “كود”، الجنازة حضرو فيها بزاف ديال الشباب فالوقت لي عمرات باب الدار ديال حياة بالنسا لي جاو يقدموا التعازي، حقاش وفاة الشابة شكلات صدمة كبيرة لكاع الناس لي كيعرفوها او كيقراو معاها فكلية القانون بمارتيل.
وأشارت المصادر أن الحديث لي طاغي هاد النهار على الشارع التطواني هو مقتل “حياة”، وإصابة ثلاث شبان اخرين جوج منهوم تطوانيين والثالث من الشاون وساكن فتطوان.