خاص.. حصاد مغاديش يترشح للأمانة العامة ديال سبولة وها شنو قرر الوزير الأعرج

علمت “كود”، من مصادر جد مطلعة، أن محمد حصاد الوزير السابق للتربية الوطنية والتعليم العالي والبحث العلمي، لن يترشح لسباق الأمانة العامة لحزب الحركة الشعبية، سيما أن العديد من الجهات داخل السنبلة غير راغبة في ترشح حصاد.
وحسب المصادر نفسها، ل”كود”، فإن الوزير السابق حصاد مغضوب عليه بزايد داخل قيادة الحركة الشعبية وحتى حد مباغيه، خاصة بعد الزلزال الملكي الذي عصف به، وغادر على إثره التراب الوطني، في الوقت أكدت فيه أن حصاد هو اللّي مابغيش يدخل لهاد المنافسة لأسباب كثيرة ومن بينها الوضع الصحي ديالو.
وكان مصطفى أسلالو عضو المكتب السياسي لحزب “السنبلة” قد تقدم بترشيحه لسباق الأمانة العامة للحزب. أسلالو دبا هو أول واحد حط الترشيح ديالو بشكل رسمي والباقي غير الهضرة وصافي.
من جهة أخرى، علمت “كود”، أن محمد الأعرج، وزير الثقافة والاتصال عاطي مسافة بعيدة على هاد الصراع اللّي نايض بين تيارات داخل الحزب.
فحسب مقرب منه، ل”كود”، فإن الوزير الأعرج معندوش نية باش يترشح لهاد المنصب رغم الضغوطات اللّي كتمراسها عدد من الجهات عليه باش يتقدم.