نايضة الروينة على ملكية بناية كتريب فالعيون .. ومصادر ل”گود”: شي مرفح باغي يبني فيها كلينيك هاعلاش هاد الضجيج

بناية على مستوى العيون السفلى، منوضة الروبلة هاد الايام الاخيرة، مصادر كتقول ان ملكيتها تعود للأملاك المخزنية، وفي اتصال مع گود تم نفي هادشي من طرف مديرية الأملاك المخزنية، وقالت انها خصصتها الدولة بنهاية سنة 2017 وبداية سنة 2018 لمديرية المستندات والوثائق “لادجيد” لغرض تشييد مقر جهوي.
مصادر اخرى ثاني، كتاكد انها فعلا ديال الأملاك المخزنية، وكتشكل خطر على المواطنين لأنها آيلة للسقوط.
اما مصدر “گود”، فعطانا فيرسيون اخرى لهادشي، قال ان شي “مول الفلوس” عندو مشاريع، وباغي داك البناية بالضبط تهدم باش يقدر يحولها لكلينيك، وداكشي علاش نايض هاد الصدع كامل…
گود غاتزيد تبحت فهاد القضية وغتوافكم بتفاصيل اخرى قريبا.