دنيا باطما فضاتها مع راجلها.. ها آش دارت

دنيا باطما وراجلها فضاوها بيناتهم. بعدما تجاهلات المطربة المغربية حديث عن إصابة زوجها بالسرطان، وهو الخبر الصادم اللي علن عليه فقطع فيديو انتشر بشكل كبير فمواقع التواصل الاجتماعي، دارت دنيا واحد الخطوة تفهم منها حاجة وحدة أنها نهات علاقة المهنية مع محمد الترك.
هاد الخطوة تجلات فظهورها، أخيرا، في مقطع فيديو مع الممثل المسرحي والتلفزيوني حسن عاطف، واللي راج أنه عوض ترك في إدارة أعمالها.
الأمور ما وقفاتش هنا. دنيا بدلات معلوماتها الشخصية على صفحتها، وخلات غير كنيتها “أم غزل”، ودارت أرقام هواتف بورطابل حسن عاطف، اللي نشر بدورو على صفحته صورته مع الفنانة المغربية وعلق عليها قائلا، “عندما تغني، آلات الموسيقى تصمت لتستمتع بطرب الصوت المخملي. إنها بكل تواضع الفنانة دنيا بطمة”، وهادشي مكان عندو حتى شي تفسير آخور عند متابعيها والمهتمين بالشأن الفني من غير أنها دارت مدير أعمال جديد، اللي هو حسن.