عاجل. ربابنة لارام وقفو الاضراب بعد اتفاق مع لارام. عطاونا الشفاوي وهاد علاش تافقو

اعلن بيان مشترك بين جمعية الربابنة الخطوط الملكية المغربية وشركة الخطوط الملكية المغربية “لارام” عن اتفاق بين الجانبين بموجبه سيتم وقف الاضراب اللي كان دشنوه ليبيلوط ديال “لارام”. البيان عطاها غير للشفاوي. كيكذبو على لمغاربة ب”التحديات الكبر ىالاقتصادية والاجتماعية بالبلاد والدور الهام للسياحة في جهود التنمية” و”الدور الحاسم ل”لارام” كفاعل كبير في تنمية النقل الجوي ووسيلة لاشعاع المملكة” و”اهمية ربابنة الخطوط الملية المغربية والحرص على توفير الظروف المناسبة للعمل في علاقة بالمحيط المهني” و”المساهمة المهمة للربابنة في تطوير الشركة”
دابا بيني وبينكم غير لكذوب وصافي. لبيلوط انانيين ما كيهمهم غير لملاين اللي كياخدوها. الضعيف فيهم كياخد 10 مليون سنتيم شهريا والفقير فيهم كيتسركل بطونوبيلة فايتة مائة مليون ودابا كيضحكو علينا وادارة كيقودها مدير ما فيدوش ماشي هو اللي كيخدم كيخدم ليه اللي جابو لهاد المنصب
دابا هاد الاضراب كولو كان على عمار. لفلوس. وقع اتفاق باش تتم الزيارة ولكن بتدرج٬ اما هاديك القضية ديال فتح مدرسة ليبيلوط باش هاد الربابنة يدخلو عائلاتهم يستحيل تتحقق