ها علاش مشى زيدان من الريال مدريد ومبقاش باغي يستامر.. القضية فيها رونالدو

كشفت صحيفة “ماركا الإسبانية” ، أن الفرنسي “زين الدين زيدان”، المدرب السابق لريال مدريد، رفض يبقى فمهمتو مع الفريق ويقودو فالمرحلة القادمة من التغيير، وضحى بالحصول على 24 مليون يورو خلال الموسمين المقبلين ، حيت كان عارف تفاصيل أزمة “كريستيانورونالدو”، نجم الفريق السابق، وكان كيأمن بأن الفرقة محتاجة للتغييرعلى جميع الأصعدة ، لكن علاقتو لي ربط مع اللاعبين ، منعاتو من أنه هو لي يكون رأس الحربة و يقود هذا التغيير.
وأكدت نفس الصحيفة ، أن زيدان حتى فاش كان لاعب ، كان ضحى ب 6 ملايين يورو عند الإعتزال ديالو، وأشارت إلى أنه كيتاخد قراراتو بناء على داكشي لي بان ليه ، بعد تفكيرعميق فالظروف المحيطة بيه ومكيغروهش الأموال ، بحيت حاول “فلورينتينو بيريز”، رئيس النادي الملكي، يقنع زيدان باش يغير قرارو بالبقاء مع الفريق ، هاد السنة كمدرب ولو لموسم أخر على الأقل، لكنه رفض وحسم قرارو النهائي، وفضل يبعد على كرة القدم، وياخد راحة حتى يعاود يرجع مرة أخرى.