تفاصيل جديدة على الحريق فمستودع سنطرال.. مسؤولة بالشركة ل”كود”: مكاين تا شي خسائر بشرية وها شنو وقع

قالت مريم العلوي مسؤولة التواصل بشركة سنترال في تصريح حصري لموقع كود ان الحريق كان ف مستودع كيستعملوه بزاف ديال الشركات ماشي غير دانون سنطرال لتخزين المواد الاولية”.
وأضافت المسؤولة ” مكاين حتى شي خسائر بشرية والمادية مازال ماقدروهاش حيت مستحيل يوصلو للموقع ولا يدخلو ليه ماحد رجال الاطفاء مازال فيه”.
وأكدت المتحدثة ان حالة استنفار قصوى داخل الشركة بعد الحادث.
وتابعت العلوي ومايبن الماركات لي حاطين المواد الاولية ديالهم تما كاين حتى lesieur والبوليس مانعين اي واحد يدخل”.
واوضحت “وبنادم طبعا مخدامش تما ومكينش حيت غير مستودع فيه المواد الاولية والتعليب”.
ووفق شهود من عين المكان وبعد اندلاع الحريق بساعة تقريبا، عاش الحي الصناعي على وقع استنفار أمني كبير.
ولم تخلف الحادثة خسائر في الأرواح فيما أتت النيران على أزيد من 90 في المائة من محتويات المخزن.