الوكالة الحضرية فكازا كتقتل. جات باش تنقد سكان لمدينة صدقات قاتلة مواطن خرج يصلي لفجر

توفي واحد الشخص مشا البارح يصلي الفجر… وملي بغا يرجع لدارو طاح فواحد الورش ديال ترميم أحد المنازل، في إطار مشروع ترميم المدينة القديمة لي كتشرف عليه الوكالة الحضرية.
وقال شهود عيان ل”كود” بلي هاد الشخص المتوفي، طاح مباشرة فوق واحد المسمار كبير الخاص بالباليساد لي حطاتو الوكالة الحضرية ديال الدار البيضاء، لترميم هاد البيت.
شهود العيان أضافوا ل”كود” أن الشخص مات ديك الساعة، بسبب خطأ ديال الوكالة لي ما قدراتش تحمي الأشخاص لي كيدوزوا من ذاك المكان.
الغريب فالأمر هو أن المسؤولين ديال الوكالة الحضرية مافخبارهوم والو تاليوم السبت، عاد بداو كيتجراو… زعما راه خدامين