المقاطعة ربحاتهم. سانترال ليتيرال حدرات الراس ونزلات درهم كامل باش تعوض خسائرها

قررت سانترال ليتيار تحدر الراس وتنقص درهم كامل فليترو. رجعوه فعرض هاد رمضان 6 دراهم عوض 7 دراهم. الشركة كتوجد حملة كبيرة فهاد الاتجاه. القرار اتاخداتو باش توقف خسائرها لكبيرة وباش تحسن صورتها اللي كانت اكثر تضررا فهاد الحملة حقاش الهاشتاغ خليه يروب دار على لحليب
هاد التخفيض جا بعدما خرجات الحكومة كدافع بشكل كبير على هاد القطاع. قطاع الحليب. واش هاد الشي عندو علاقة بهاد الدفاع ولا قرار سيادي ديال الشركة الفرنسية؟ الله اعلم
بيان شركة الحليب سماتو عروض للمصالحة وحتى ياغورت نقصو منو فبيان توصلت بيه “كود”. العرض الخاص فيه ايلى شريتي 4 تربح واحد فابور وسماوه “زين بلادي”
وباش بغات تبان شركة كدافع على الفلاحة قالت بللي كتشري الحليب ب3.60 درهم وربحالها يالله ربعة دريال، وقالت باللي ترغب فالمصالحة مع الاسر المغربية فرمضان
غير هما زادو واحد العبارة تقدر تقولب كلشي “ثمن الموصى به في حدود المخزون المتوفر”. يعني محدود وصافي