كيفاش خسرو الداعمين للانفصال فجزر كناريا

برلمان جزر الكناري رفض اعتماد مشروع قرار الي كيخص الصحراء المغربية، المقترح من طرف الحزبين السياسيين “بوديموس” و “نويفا كنارياس”.
هاد مشروع القرار الي مناصر للبوليساريو تم رفضو من طرف الناطقين الرسميين ديال أهم ثلاث تشكيلات سياسية في الجزر، وهم (CC، PPC، PSOE-PSC).
حزب “بوديموس” حاول عدة مرات يدوز هاد مشروع القرار بالمطالبة باجراء استفتاء، والاعتراف ب”الجمهورية الصحراوية”، وقطع العلاقات الاقتصادية والتجارية مع الصحراء المغربية.
“بوديموس” و “نويفا كنارياس” كيمثلو الدعم الرئيسي لجبهة البوليساريو فبرلمان جزر الكناري، وكرد فعل للاقتراح ديالهم، “خوسي ميغيل بيريز” الناطق الرسمي ديال حزب “CC كواليسيون كاناري” الي هو الحزب الحاكم في الجزر، قال أن المقترح غير مقبول و أكد أن جزر الكناري خاصها تساعد الأمم المتحدة بغية الوصول لحل سياسي فالمنطقة.