نتفليكس سحبات كاع أفلامها من مهرجان “كان” وها علاش

قالت شركة نتفليكس، بأنها غادي تسحب جميع أفلامها من مهرجان كان السينمائي ، الي غايتقام الشهر الجاي بعدما منعو المنظمين يدخلو أفلام الشركة فمسابقاتها ومبغاتهاش تتعرض فدور السينما.
وقال “تيد ساراندوس” مدير المحتوى فنيتفليكس، في مقابلة مع مجلة “فارايتي”، أن عرض الأفلام فمهرجان “كان” مغادي تكون عندو حتى معنى بعدما غير القواعد ديالو، بحيت مغاديش تشارك خارج المنافسات، ومكنضنش أنه كاين شي منطق في خروج الشركة من المسابقات.
وكان مدير المهرجان “تييري فريمو” قال الشهر الي فات، أن نتفليكس رفضت توزيع أفلامها في دور العرض بفرنسا، وبالتالي غادي تمنع من المنافسة في الحدث الي غايستمر 12 يوم، ووضح أنها تقدر تعرض أفلامها خارج المسابقات الرسمية.
ونتفليكس غادي تعرض 80 فيلم هاذ السنة لعملائها، الي بلغ عددهم 109 ملايين على مستوى العالم على الأنترنت.