على قبال عمدة طنجة السابق. صحافي ايس برس شدوه البوليس حدا الفرقة الوطنية

علمت “كود” ان مصورا صحافيا بالوكالة الدولية للاتصال والصحافة ايس برس حيدو ليه بطاقتو المهنية ولاكارط ناسبونال اليوم حدا مقر الفرقة الوطنية للشرطة القضائية فالحي الحسني فكازا.
وقال مصدر من الوكالة ل”كود” ان الصحافي مشى يصور عمدة طنجة السابق فؤاد العماري اللي سمح باللي كيحققو معاه. واضاف “شدو لينا بطاقة الصحافي واحد الساعة وقالو لينا بغيتو تصورو الفرقة وقلنا ليهم حنا جينا علي قبال عمدة طنجة السابق”.
المصدر نفسه اضاف ل”كود”: “بعد ساعة طلقو المصور الصحافي. دابا هما عارفين باللي حنا ما جيناش نصورو الفرقة الوطنية وكيعرفونا مزيان. علاش دارو هاد الشي واش باش يحميو العمدة ايلى كان عندهم ولا على حاجة اخرى”