عاجل. قضية بوعشرين. وحدة من المشتكيات سخفات وسط الجلسة ووحدة اتهمت بالتزوير (+الصور)

اليوم بدات بالغرفة الجنائية لمحكمة الاستئناف بالدار البيضاء، الجلسة الثالثة لمحاكمة توفيق بوعشرين، مدير نشر "أخبار اليوم" و"اليوم 24″.
الا أنها وبعد ما بدات بقليل، ناض صدع كبير بين هيئة الدفاع عن بوعشرين و هيئة الدفاع ديال المشتكيات فالقضية.
حسب مصدر كود، الناقب زيان دار مداخلة قال فيها أنه لا يعقل وحدة من المشتكيات تكون حاضرة فالجلسة ديال اليوم 29 مارس وهي دافعة شهادة طبية الى غاية 3 أبريل، وأضاف أن “هادشي تزوير وكدوب وتحايل على القانون.”
يتعلق الامر بخلود الجابري اللي خدمات ف”اخبار اليوم” وعطات شهادة طبية باش ما تخدمش.
فاش وحدة من المشتكيات سمعات كلام المحامي زيان، ماقدراتش تستحمل وسخفات. واخا ماشي معنية بالأمر، اسماء الحلاوي اللي جات عليها لامبيلانس للمحكمة.
وبالتالي اضطرت النيابة العامة لرفع الجلسة.