حرب التفسيرات بين المغرب والبوليساريو. الرباط هاداك الشي اللي كتروج ليه البوليساريو كذوب ورئيس المفوضية الافريقية تحدث على دعمو لكولر ماشي تدخل للاتحاد الافريقي

كل واحد وكيفسر البيان الختامي لقمة الاتحاد الافريقي باديس ابابا. البوليساريو شافت باللي الاتحاد باغي بلاصة فالمفاوضات. لكن فختام هاد القمة الثلاثين قال رئيس المفوضية الافريقية موسى فقي محمد ان القرار 653 اللي تخاد فيوليوز الاخير مازال صالح وهو المرجع فقضية الصحراء.
اش كيقول هاد القرار؟ كيرحب بتعيين كولر مبعوثا خاصا للامين العام الاممي مكلفا بالصحراء وكيطلب من الدول الاعضاء دعم مجهوداته لايجاد حل متفق عليه ونهائي للصراع وما فيه حتى شي اشارة او تلميح لدور الاتحاد الافريقي فهاد الصراع وما كيشير لحتى شي حل خارج ما سبق للامم المتحدة ان عبرت عنه في هذا الملف