شي رؤساء الجهات ديال البام كيتحاقرو المواطنين. شوفو هاد رئيس جهة بني ملال اش لابس وكيفاش باغي يصور راسو كيوزع المساعدات =صور=

ابراهيم مجاهد اللي جابوه وعطاوه رئاسة جهة تادلة بني ملال غير كيخربق. السيد باغي يقلد ولي نعمتو الياس العماري زعيم حزبو ورئيس جهة تطوان طنجة الحسيمة وناض كاليك اسيدي شوفوني راني خدام.
اييه هاد الشي مزيان اش كدير. السيد كيوزع المساعدات وكيطالع على احوال السكان. حتى لهنا كيدير اختصاصو واخا ما عمرنا شفناه كيدير شي حاجة. المشكلة هو انو لابس كرافاطا ومشى عند ناس فقرا بزاف ومخصوصين بزاف. لباسو كيبين الفرق بينو وبين هاد الناس. شوهة كبيرة وفضيحة. اللي كيفهم غير شوية فالتواصل السياسي غادي يقول ليه يا السي براهيم كون تفهم وباش تمشي عند مواطنين محتاجين قاهرهم البرد ما تصورش معاهم وانت مغطي ولابس مزيان وهما مساكن حالتهم حالة.
هادي هي عقلية شي باميين. الغباء المبين والجهل وباش كيبغيو يبانو كيعورها. كون غير عطاهم ثمن اش لابس كون هاد الناس فرحو اما نمشي تصور معاهم وتوريهم بهاد الحالة راها سبة ليك انت ماشي للمساكين. قرا غير الناس اللي معاكم فالحزب اش دارو ليك وكيفاش انتقادوك