ايوا ها شوهتكوم يا الممانعين. رئيس اتحاد الجودو دردگ على المغرب حتى اعطاو التأشيرات لإسرائيل او يلغي البطولة

كنا قلنا سابقا أن المغرب هو لي غايخسر من هادشي ديال منع لاعبي اسرائيل من الدخول للمغرب للمشاركة في البطولة العالمية للجودو، رغم أن متزعمي طلب المنع هم البيجيديون لي كيترأسوا الحكومة.
رئيس الاتحاد الدولي للجودو جابها من اللخر وجا للمغرب ودردگ على الجامعة المغربية من بعدا ما ترفضات التأشيرات ديال اللعابة د اسرائيل، وقال رئيس الاتحاد حسب القناة السابعة الاسرائيلية أنه في حال ماشاركاتش اسرائيل راه البطولة غادي تلغى من المغرب.
دابا هادشي كان باين حقاش هادي رياضة يا اما تقبل بجميع المشاركين يا سير هز الحجارة وناضل ففلسطين، اما باش تاخذ بطولة عالمية وتبدا تعزل شكون يلعب شكون ميلعبش راك غير كتخور ومعمرك تزيد للقدام، وراه حتى فلسطين يلا نظمات بطولة عالمية ماغاديش ينوض فيها شي واحد يطالب بمنع لاعبي اسرائيل من المشاركة.