مع بنعرفة حتى حاجة ما صادقة. لقاء الاغلبية على قانون المالية حالتو جاتو 40 من اصل 240 وجابو الموظفين باش يعمرو لكراسى والامناء العامون ما كيتلاقاوش

كلشي كيدل باللي هاد الاغلبية اللي كيقودها ابن عرفة غير تخربيقة. لا طعم لا لون لا تنسيق لا. البارح الثلاثاء كان لقاء برلمانيي الاغلبية لمناقشة قانون المالية 2018. تعرفتو شحال حضر؟ من اصل 240 لهاد الاغلبية يالله جا 40 بمجلس النواب ونفس العدد من مجلس المستشارين. ما حضر حتى حد من الامناء العامون للاحزاب اللي اصلا ما كيتلاقاوش. مصدر "كود" قال ان "الضعف الكبير كان فالعروض المقدمة. اللي ما ضافت والو"
غاب النقاش السياسي لمشروع قانون المالية ولم يتم توحيد المواقف من القضايا المالية بين فرق الاغلبية يعني انه ما كاينش اقتراحات الاغلبية لتعديلات موحدة
الغريب وفق مصدر "كود" انه وامام الغياب الكبير للبرلمانيين تمت الاستعانة بموظفي البرلمان باش يعمرو القاعة