واخلعة طلقي مني… غضبة ملكية على مسؤولي حامة مولاي يعقوب وها علاش

كادت غضبة ملكية أن تعصف بعدد من المسؤولين بحامة مولاي يعقوب، ضواحي مدينة فاس. الملك تقلق بزاف مني وصلو لخبار أن المسؤولين على الحامة كيشدوها مني كيكون هو كيتحمم فيها. وحسب مصادر خاصة فكولشي شداتو الخلعة لا سيما المسؤول الاول عن الحامة.
وكشف رئيس لجنة المرافق العمومية والخدمات بالجماعة القروية مولاي يعقوب، يوسف بابا، في تصريح ل"كود"، أن جلالة الملك أمر بفتح أبواب الحامة بالمجان في وجه عموم المواطنين أربعة أيام كل أسبوع.
يذكر أن حامة مولاي يعقوب، حسب المعلومات التي حصلت عليها "كود"، تتوفر على ثلاثة مرافق عمومية فيها مسابح و42 حمام فردي. الدولة كانت رصدات 21 مليار و800 مليون سنتيم من أجل تطوير هاد الحمامات وتكون فحلة جديدة لكن دبا الساكنة كتشوف أن مزال متطور حتى شي حاجة ومزال كاين التخربيق تما.