الرجاء دخلوا شوية ديال لفلوس في الماتش ديال خنيفرة

استفاد فريق الرجاء الرياضي من مداخيل مناسبة في المباراة أمام فريق شباب أطلس خنيفرة للعبوها البارح، برسم ذهاب ربع نهائي كأس العرش.

الحضور الجماهيري خلى الرجاء تستافد من حوالي 56 مليون سنتيم، ولكن غادي اخصمو منها المصاريف، وخصمو منها لفلوس لكتاخد الشركة المكلفة بالتنظيم والباقي غادي ادخل للخزينة ديال الفريق.

وغادي تساهم السيولة المالية في فك نوع من العزلة على الرئيس الحالي حسبان، وغادي تخليه اخلص بعض الديون ديال الفريق خصوصا أجور اللاعبين والموظفين وبعض منح التوقيع ديالهم، لباقي متوصلوش بيها من شحال هادي.

الرجاء طبعوا 29 ألف تذكرة وباعوا يالاه 15 ألف تذكرة، ولكن في الملعب كان حاضر أكثر من 15 ألف شخص، كين لكيدخل بطائق الانخراط، وكين لكيدخل فابور، وكين لكيحصل على دعوة من المكتب المسير للنادي.

وكان الجمهور فرحان في المباراة خصوصا بعد الفوز العريض على شباب أطلس خنيفرة بخمسة أهداف لواحد، والماتش ديال الإياب غادي اكون الخميس الجاي بخنيفرة.