الجامعة كطلب لارام باش دير ثمن مزيان للجمهور باش امشيو اشجعو الأسود فابيدجان ومعولين على 3 الاف

علمت "كود" ان الجامعة الملكية المغربية لكرة القدم غادية تفاوض الخطوط الملكية الجوية، باش دير تخفيضات كبيرة ومناسبة في أثمنة تذاكر السفر إلى الكوت ديفوار، باش اتمكن الجمهور المغربي من السفر إلى هناك لتشجيع الأسود في المباراة الحاسمة أمام الكوت ديفوار، لغادي تحسم في التأهل للمونديال.
الجامعة باغا دير كل السبل والوسائل باش تدعم المنتخب الوطني باش اكون حاضر في الموعد وجيب التأهل من أمام منتخب الكوت ديفوار، لغادي العب فبلادو وأمام الجمهور ديالو، داكشي علاش الجامعة باغا الجماهير المغربية تكون حاضرة حتى هي باش تشجع الأسود وتخفف من الضغط على اللاعبين في المباراة.
المنتخب المغربي خصو نقطة وحدة باش احقق حلم التأهل لمونديال روسيا 2018، ولغادي اكون خامس مرة في تاريخ المغرب اتأهل للمونديال، مع العلم أن آخر مرة كانت سنة 1998 مع الفرنسي هينري ميشال.
وكترجح مصادر "كود" باش توافق الشركة الملكية للخطوط الجوية على الطلب ديال الجامعة لأنها كتسعى بدورها إلى دعم الأسود باش احقوا نتيجة الفوز.
الجامعة دايرة تقديرات ديال 3 الاف مغربي يمشي لابيدجان نهار 11 نونبر موعد الماتش