مضيان ل"كود": مكاين لا تأجيل لا والو فتاريخ انتخاب الأمين العام وأنا اللّي عندي الرئاسة ديال المؤتمر وكاين اللّي باغي يهرس العرس

استغرب القيادي الاستقلالي، نور الدين مضيان، رئيس المؤتمر السابع عشر لحزب الاستقلال، من الأخبار الرائجة من قبل أتباع حميد شباط، الأمين العام لحزب الاستقلال المنتهية ولايته، وتفيد بأن المؤتمر سيتم تأجيله إلى ما بعد شهر دجنبر المقبل.
وقال مضيان رئيس مؤتمر الاستقلال، في تصريح ل"كود": أنا درت بلاغ فالموضوع وهادو اللّي كيروجو هاد الاخبار حتى يكون عندهوم رئاسة المؤتمر عاد يهضرو ويلا بغاو يخليوه هوما حتى لشهر دجنبر شغالهوم هداك وحنا احسمنا فتاريخ انتخاب الأمين العام واللجنة التنفيدية وانتهى الكلام".
وأضاف مضيان قائلاً: "بالنسبة إلي تقرر ذلك بشكل حاسم ونهائي وعقد المؤتمر هو يوم السبت ابتداءً من الساعة العاشرة صباحا ونحن لا نتكلم من فراغ وأي واحد كيروج لهادشي باغي يمس بالحزب حيتاش اللي كيحس براسو فاشل كيقلب على باش يهرس العرس وهوما عارفين الكفة فين غادية وعارفين الموضوع تحسم نضاليا وديمقراطيا ولهذا هاد الناس باغيين يخلقو حالة من الإحباط لا أكثر".
وأنهى مضيان القيادي الاسقلالي تصريحه مع "كود": "عدد محدود لا يتجاوز 20 أو 30 واحد هوما اللّي كيطلقو هاد الإشاعات وحنا عارفين شكون هوما"، في إشارة واضحة له لأنصار حميد شباط المهدّد بفقدات الأمانة العامة لحزب الاستقلال".