لجنة البرمجة ممفاكاش مع الرجاء عياو ميطلبو ومبغاتش تأجل الماتش مع الفتح

تصر لجنة البرمجة بالعصبة الاحترافي على إجراء مباراة الرجاء أمام الفتح برسم إياب ثمن نهائي كأس العرش الأحد المقبل بالرباط، وخا توصلوا برسالة من فريق الرجاء الرياضي، يطلب التأجيل إلى موعد لاحق.
الربمجة متسوقاتش لمراسلة الرجاء ودارتها بحالا مجاتش ومجوباتهمش لا بالقبول ولا بالرفض، مع العمل أن الرجاء طالب لجنة البرمجة باحترام القانون لكيعطي الحق للفريق باش اطلب التأجل، لأن 5 اللاعبين مغاديش اكونوا حاضرين في الماتش، لأنه غادي العبوا مع المنتخبات ديالهم.
وغادي اغيب على الرجاء بدر بنون، وجواد الياميق، لأهم غادي اكونوا مع المنتخب الأول لغادي العب ضد الغابون، وغادي اغيب أيضا ليما مابيدي لأنه غادي العب مع الكونغو، وسامسونغ مبينغي غادي العب مع الغابون ضد المغرب، وعاد كين كوكو حتى هو لاعب مع منتخب البلد ديالهم.
وكينص القانون على أن أي فريق عندو فوق جوج اللاعبين بالمنتخب من حقوا اطلب التأجيل ديال الماتش، ولكن لجنة البرمجة متسوقاتش للقانون، ومتسوقاتش للرجاء.